Mapaichean eachdraidheil Steòrnabhagh agus mun cuairt, 1780s-1960s
Thàinig an làrach-lìn seo gu bith mar thoradh air co-obrachadh eadar Leabharlann Nàiseanta na h-Alba agus Leabharlannan nan Eilean Siar ann an 2017-19 gu gleidheadh agus cur air loidhne seachd mapaichean sònraichte cudromach de Leòdhas agus Steòrnabhagh a tha fo shealbh Leabharlannan nan Eilean Siar.
Tha na mapaichean sònraichte, ann am pàirt air sgàth `s nach eil an còrr ann den leithid, agus tha iad a’ toirt fiosrachadh mionaideach air cruth-thìre Leòdhas agus Steòrnabhagh, agus na leasachaidhean a ghabh àite anns an 250 bliadhna mu dheireadh.
Leis an co-obrachadh tha cothrom ann a-nis do luchd-cleachdaidh air feadh an t-saoghail sùil a thoirt air na mapaichean nach robh roimhe seo ri fhaighinn ach ann an Leabharlannan nan Eilean Siar ann an Steòrnabhagh. Le gun deach cruth digiteach a dhèanamh de na mapaichean, bha cothrom ann comharran-mapa a chuir riutha agus sin a’ cur gu mòr rin luach. Tha e comasach thar-chòmhdach de ìomhaighean saideil a chur air na mapaichean, agus cuideachd am faicinn taobh ri taobh air an sgrìon. Tha luach sònraichte ann an seo a’ toirt dealbh air mar a dh’atharraich Steòrnabhagh, agus pàirtean eile de Leòdhas, tro thìde.
● Tro mhaoineachadh bho Urras Aurelius, chaidh obair glèidhidh speisealtach a ghabhail os làimh air Plan of the Town of Stornoway, Imrisligach and Inaclete, aig Seumas Chapman, ca. 1800. Tha dà bhlog mionaideach a ’mìneachadh na planaichean airson am map seo a ghlèidheadh (Dàmhair 2018) agus pròiseas obair glèidhidh agus soirbheachas (Gearran 2019), air mar a chaidh na mapaichean an sganadh.